Trading Kya Hai Aur Kisko Karni Chahiye Aur Kisko Nahi?
Aaj kal trading ek trending topic ban gaya hai. Har taraf log bolte hain ki trading se paise kamaye ja sakte hain, lekin asli sach yeh hai ki trading ek skill hai, shortcut nahi. Is blog mein hum jaanenge ki trading kisko karni chahiye, kisko nahi aur isse pehle kya taiyaari jaruri hai.
🔍 Trading Kya Hai?
Trading ka matlab hota hai kisi bhi financial market (jaise stock market, crypto ya commodity) mein price ke movement ke basis par buy aur sell karna – jisme aap kam daam pe kharidte hain aur zyada daam pe bechte hain.
Trading ke kai types hote hain:
- Intraday trading (same din mein buy-sell)
- Swing trading (2-10 din ke liye)
- Options trading (high risk – high reward)
✅ Trading Kisko Karni Chahiye?
1. Jinke paas koi stable income source ho
Agar aapke paas koi fixed income source hai jaise job, business ya freelancing, tabhi trading shuru karein.
Note: Trading bina paise ke nahi hoti. Yeh paise ko badhane ka zariya hai, kamane ka nahi.
2. Jo log demo trading se practice kar rahe hain
Agar aap beginner hain, to real paisa lagane se pehle TradingView jese platform par demo trading se practice karein. Yeh free hai aur aap bina risk ke seekh sakte ho ki market kaise kaam karta hai.
3. Jo log loss handle karne ke liye mentally tayar hain
Market har din profit nahi deta. Kabhi kabhi losses bhi aate hain. Isliye agar aap emotionally strong hain to hi trading me enter karein.
❌ Trading Kisko Nahi Karni Chahiye?
1. Jinke paas koi income source nahi hai
Agar aap jobless ho ya aapki koi monthly income nahi hai, to trading start mat karo. Paise hone par hi paisa lagao, warna yeh stress aur financial problem la sakta hai.
2. Jo log jaldi ameer banna chahte hain
Agar aap soch rahe hain ki trading se 1-2 mahine mein crore kama loge, to yeh galat soch hai. Yeh long-term process hai, jisme skill aur patience dono chahiye.
3. Jo log risk nahi le sakte
Agar aapko risk lena pasand nahi, ya financial pressure se panic ho jata hai, to trading aapke liye nahi hai. Aap SIP ya mutual fund me invest kar sakte hain, jo comparatively safe options hain.
🔚 Conclusion:
Trading ek art hai, ek profession hai, jise seekhna padta hai. Bina income source aur bina practice ke trading mat shuru karein. Pehle TradingView par demo account banayein, strategy seekhein aur jab lagge ki ab samajh aa gaya hai – tabhi real paisa laga